A Coruña no mundo global do S.XXI. Novos tempos para a acción exterior de Galicia. IGADI.

23-24-25 NOVEMBRO 2022
Centro Universitario de Riazor
Universidade da Coruña

ACoruna.hub.gal nace no ano 2020, froito do traballo conxunto entre o Concello da Coruña e o IGADI desde o 2018 para mellorar a proxección e imaxe internacional da cidade. No 2022 traballamos na creación dun Mapa físico e online da Coruña coma cidade global, así como na 2ª edición das Xornadas “A Coruña no mundo global do S.XXI” que se celebrarán o 23, 24 e 25 de novembro, no Centro Universitario de Riazor da Universidade da Coruña en horario de tardes.

A segunda edición das Xornadas “A Coruña no mundo global do S.XXI”, centrarase nas posibilidades da Coruña como cidade global intermedia, en relación coa acción exterior española, galega e europea, aliñada como unha cidade comprometida coa Axenda 2030.

Nas Xornadas presentaranse os avances na produción do Mapa de cidade global da Coruña (que será presentado en decembro), definindo as relacións glocais da cidade, desde a historia e desde o plano actual. O mapa aspira a reforzar a información sobre a cidade en linguas internacionais reforzando a súa atractividade territorial, visibilizando axentes económicas, culturais ou institucionais.

O obxectivo das actividades do Convenio 2022 entre o Concello da Coruña e o IGADI é posicionar A Coruña como unha capital atlántica europea, moderna e atractiva para o S.XXI, así como avanzar nas potencialidades da cidade no curto-medio-longo prazo, en relación ao novo marco xurídico arredor da acción exterior española e galega, no marco especial que deu no 2021 a aparición da Lei de Acción Exterior e Cooperación ao Desenvolvemento de Galicia ou a entrada como observador asociado de España na CPLP (Comunidade de Países de Lingua Portuguesa).

Programa

Aínda que as sesións serán gravadas, non serán retransmitidas en streaming. 
Todas as intervencións serán de 15 minutos, contando con 25-30 minutos de coloquio final.
O ciclo sucederase o mércores 23, o xoves 24 e o venres 25 de novembro do 2022, todos os días entre as 18:30 e as 20:30h.
Para obter certificado de asistencia emitido polo IGADI hai que inscribirse e asistir ás sesións dos tres días.

MÉRCORES 23 / 18:30
NOVEMBRO

A acción exterior española en rede: as CCAA, cidades e provincias

Desde o 2014 a Lei de acción exterior española abriu novas posibilidades para gañar en coordinación e coherencia no traballo internacional entre as distintas administracións públicas, dando seguridade xurídica ás Comunidades Autónomas, cidades e provincias, na súa acción e proxección exterior.

En que punto estamos no 2022?
Que oportunidades e posibilidades para unha acción exterior en rede do S.XXI?
Que fortalezas e debilidades ten o novo marco xurídico?
Jose Manuel Lage

Jose Manuel Lage (Presenta)

Concelleiro de Economía, Facenda e Réxime Interior e voceiro do Goberno municipal da Coruña.


Adriana Viz

Adriana Viz

Asesora Gabinete Ministro Asuntos Exteriores, Unión Europa e Cooperación

Javier Parrondo

Javier Parrondo

Director Casa Asia

Rafael García

Rafael García

Profesor de Relacións Internacionais, Universidad Pablo de Olavide

Daniel González Palau

Daniel González Palau

Director IGADI

XOVES 24 / 18:30
NOVEMBRO

A acción exterior de Galicia na encrucillada, prioridades na nova EGAEX

Desde a aprobación da Lei de Acción Exterior española (2014) a Xunta de Galicia destacouse entre o resto de Comunidades Autónomas españolas por un impulso normativo que acabou por dar no ano 2021 coa Lei de Acción Exterior e Cooperación Internacional de Galicia. Xa no 2018 contabamos cunha Estratexia Galega de Acción Exterior e actualmente trabállase na segunda.

Como podemos mellorar a nova EGAEX e desenvolver a Lei, que áreas e actividades deberamos priorizar?
Andrea Mila

Andrea Mila (Presenta)

Doutora en Ciencia Política e especialista en Relacións Internacionais


Jesús Gamallo

Jesús Gamallo

DX Exteriores, UE e Cooperación ao Desenvolvemento da Xunta de Galicia

Celso Cancela

Celso Cancela

Profesor de Ciencia Política, Universidade de Vigo

Serafín Pazos

Serafín Pazos

AEIDL, European association for innovation in local development

Jorge Antonio Quindimil

Jorge Antonio Quindimil

Coordinador do Grado Bilingüe en Relacións Internacionais, Universidade da Coruña

VENRES 25 / 18:30
NOVEMBRO

As Bases de Acción Exterior da Coruña e o mapa de cidade global intermedia

O Concello da Coruña aprobou en Pleno, e por unanimidade, en marzo do 2019, a Declaración institucional “A Coruña global no mundo do S.XXI” co obxectivo de avanzar tanto internamente, como na coordinación coa Xunta e o Estado, para mellorar a súa atractividade internacional.

Que nos achega ter unha visión e operativa desde as institucións entre o local co global?
Como traballar en rede para mellorar a proxección internacional da cidade en liña coa Axenda 2030 ?
Que aportan ferramentas como o mapa de cidade intermedia global?
María González Flores

María González Flores (Presenta)

Profesora de Socioloxía da Globalización e Sostibilidade Social na Universidade da Coruña


Tamara Espiñeira

Tamara Espiñeira

Instituto de Estudos Políticos de Rennes

Julio Abalde

Julio Abalde

Reitor da Universidade da Coruña

Martín Fernandez Prieto

Martín Fernandez Prado

Presidente Autoridade Portuaria

Lucía López Teijeira

Lucía López Teijeira

Presidenta Asociación de Empresarios de Pocomaco

Pablo López Blanco

Pablo López Blanco

Jefe de Servicio Promoción Exterior 2 Cámara de Comercio A Coruña

Vídeos da edición 2020

Podes ver os vídeos da 1ª edición, realizada durante a segunda onda da pandemia en outubro do ano 2020, co obxectivo central da identificación dun relato coral e a definición dun DAFO de continxencia, nun mundo en cambio.

Coloquio “A globalización na cidade metropolitana” | Ciclo A Coruña no mundo global

– Fernando González Laxe
– Andrés J. Precedo Ledo
– Marcos Gendre

Coloquio “A Coruña nas redes globais da nova e vella diáspora galega”

– Pilar Cagiao.Montserrat
– Golías.Miguel Rodríguez
– Duarte Romero.
– Xavier Alcalá

Coloquio “Fase Atlántica: O mar, a cultura e a ciencia na Coruña global”

– Felipe Senén
– Nieves R. Brisaboa
– Anxela Baltar
– Yolanda Castaño

Coloquio “Axenda 2030, municipalismo e cooperación internacional”

– José Manuel Peña Peñabad
– José Luis Méndez Romeu
– Tamara Espiñeira
– Ana Gudín Sergio Fernández

Coloquio “A globalización nos tempos da Covid 19”

– Marta Rey García
– Enrique Sáez
– Fernando Bruno
– Yaiza Canosa

Inscrición

Mapa Cidade Global

Galicia ten unha historia global, pola posición xeoestratéxica ligada á historia e ao mar, as rutas do Atlántico, as migracións e as diásporas, especialmente a americana…

Desde a economía, a cultura ou a lingua, levamos séculos trazando un perfil global na sociedade internacional. Nesta historia A Coruña ten un papel protagonista, desde a Casa das Especiarías do S.XVI e a historia do porto, ou moito antes… ata por exemplo hoxe, o impacto da conectividade internacional de grandes empresas internacionais e axentes culturais do máis variado tipo que a cidade acolle.

Todas as cidades teñen un mapa turístico que sinala fitos turísticos e lugares destacados que identifican no espazo os atractivos turísticos da cidade. Nós aspiramos a ampliar a idea dese mapa cara outros atractivos do territorio, ligados a súa conectividade internacional, tanto de espazos como de actores, procurando outra maneira de pensar a cidade que identifique as autopistas internacionais da Coruña, históricas e presentes.

No marco desta idea, que será executada tanto en formato en liña como en papel, realizamos un Concurso de Ideas, e actualmente atopámonos desenvolvendo o Plano, contando coa colaboración de Turismo da Coruña.

O mapa estará dispoñible en linguas internacionais e aspira a reforzar as ferramentas de marketing de cidades, así como a poñer en valor a posibilidade dunha maior ordenación da acción exterior do Concello, no marco de Galicia, España e a UE e no marco das posibildiades de acción das cidades globais intermedias.

O mapa presentarase no mes de decembro, mais o 25 de novembro, no marco das Xornadas “A Coruña no mundo global do S.XXI”, poderanse ver os primeiros avances.

Recursos

O espazo web acoruna.hub.gal naceu conectado ao documento BAEX, Bases de Acción Exterior da cidade da Coruña, documento realizado polo IGADI para o Concello da Coruña no ano 2018 no marco da nova arquitectura legal da acción exterior española e galega e o papel das cidades na mesma.

O documento das BAEX A Coruña conseguiu a unanimidade no Pleno do Concello en marzo de 2019, baixo a Declaración institucional “A Coruña global no mundo do S.XXI” que asumía coma obxectivo común o desenvolvemento do plan de actuación do documento durante o mandato municipal 2019-2023.

As BAEX A Coruña nacen tamén ligadas ao desenvolvemento da Axenda 2030 de Nacións Unidas, a Axenda Urbana do Concello da Coruña e ao conxunto de políticas de acción exterior de Galicia.

Podes ver tamén o programa e os os vídeos da primeira edición do Ciclo de coloquios “ A Coruña no mundo global do S.XXI” realizada no ano 2020 e o seu informe-resumo. Ademais no ano 2020 o Concello da Coruña, no marco da súa acción exterior, participou xunto aos Concellos de Lugo, Pontevedra e Santiago no proxecto “O Xacobeo e a Ruta da Seda: Camiños para o diálogo-Oriente-Occidente”, do que tamén podes ver os seus vídeos.